നീ മരിക്കുന്നത് ഞാൻ അറിയുന്നില്ല.
എനിക്ക് നിന്നെ അറിയാത്തതിനാൽ നീ
മരിച്ചാലും ഇല്ലെങ്കിലും ഞാൻ ജീവിക്കും.
നിന്റെ സാമീപ്യം ഇതുവരെ ഞാൻ അറിഞ്ഞിട്ടില്ലതിനാൽ
നിന്റെ ശൂന്യതയും ഞാൻ അറിയുന്നില്ല.
എന്റെ കൈകളും മനസ്സും നിന്റെ തലോടൽ കൊതിച്ചിട്ടേയില്ല.
ദൃശ്യമോ അദൃശ്യമോ ആയ ഒരു ചെറുനൂലിഴ
കൊണ്ടുപോലും നമ്മൾ ബന്ധിക്കപ്പെട്ടിരുന്നില്ല.
എനിക്ക് നിന്നെ അറിയാത്തതിനാൽ നമുക്കിടയിലുണ്ടായിരുന്ന
മൗനവും ഞാൻ അറിഞ്ഞേട്ടേയില്ല.
എന്നത്തെപ്പോലെ നാളേയും ഞാൻ ജീവിതത്തിൽ പറന്നു നടക്കും.
മരിച്ചത് നീ മാത്രമായിരുന്നു, ഞാനല്ല.
എന്നും നീ നീയും ഞാൻ ഞാനുമായിരുന്നു.
