പതിവ് പോലെ വൈകിയാണ് ഇന്നലെയും കിടന്നത്, എന്നിട്ടും ഉറക്കം വന്നില്ല.തിരിഞ്ഞും മറിഞ്ഞും കിടന്ന് എങ്ങിനെയൊക്കെയോ നേരം വെളുപ്പിച്ചു.ഇന്നത്തെ ദിവസത്തിന്റെ പ്രത്യേകത ഓർത്ത് ഞാൻ വല്ലാത്ത ഒരു ആവേശത്തിലായിരുന്നു.ഇന്ന് എന്റെ ജന്മദിനമാണ്, കേക്ക് മുറിക്കലും സദ്യയൊക്കെയായി ആഘോഷമായിരിക്കും. അച്ഛന്റെയും അമ്മയുടെയും ഫോണുകൾക്ക് ഇന്ന് വിശ്രമം ഉണ്ടാകില്ല,അച്ഛൻ പുതിയ ഉടുപ്പ് എനിക്ക് വേണ്ടി വാങ്ങിയിട്ടുണ്ടാകും.ഇങ്ങനെയൊക്
എത്ര നേരം അങ്ങനെ കിടന്നുവെന്നു അറിയില്ല. അച്ഛൻ ആരോടോ ഫോണിൽ സംസാരിക്കുന്നത് കേട്ടാണ് ആലോചന നിർത്തിയത്. നാട്ടിൽ നിന്ന് വിളിച്ചതായിരിക്കും.എന്താ പറയുന്നത്, ഞാൻ ചെവി കൂർപ്പിച്ചു, "ഇല്ല, ഉറങ്ങുന്നുണ്ട്. ഞാൻ ഓഫീസിൽ പോകാൻ ഇറങ്ങുകയാ.വൈകുന്നേരം പരിപാടി ഒന്നും ഇല്ല. ആരെയും വിളിച്ചില്ല, കേക്കും വാങ്ങിയില്ല. ആദ്യത്തെ പിറന്നാളല്ലല്ലോ അത് കൊണ്ട് ആഘോഷം ഒന്നും ഇല്ല.......". പിന്നെയും എന്തോ പറയുന്നുണ്ടായിരുന്നു, പക്ഷെ ഞാൻ ഒന്നും കേട്ടില്ല.സങ്കടം കൊണ്ട് എന്റെ കണ്ണ് നിറഞ്ഞെങ്കിലും ഞാൻ കരഞ്ഞില്ല കാരണം ഇത് എന്റെ ആദ്യത്തെ ജന്മദിനമല്ലല്ലോ, രണ്ടാമത്തെതല്ലേ സാരമില്ല. ഞാൻ തലയണയിൽ മുഖമമർത്തി കിടന്നു.
