***ചാർമിനാർ***
ചാരുതയേറും നാലു മിനാരങ്ങൾ,
കൊതിപ്പൂ അംബരം പുൽകീടുവാൻ.
ദുർഗന്ധപൂരിതം, അസുന്ദരം വാസനം;
വിലസുന്നൂ ചേറിലേ ചെന്താമരപോൽ!
***ഗോൽകൊണ്ട കോട്ട***
മലമുകളിൽ കെട്ടിപ്പൊക്കിയ കൽമതിലുകൾ
മിണ്ടാതെ പറയുന്ന കഥകളെത്ര?
ചതിയുടെ, പോരാട്ടത്തിന്റെ, കൽത്തുറുങ്കിന്റെ
പിന്നെ, വജ്രത്തിളക്കമേറും വ്യാപാരക്കഥകളും.
കാഴ്ചകൾ കണ്ടു വിസ്മയം പൂണ്ടിടുന്നോർക്ക്
ചരിത്രാവശിഷ്ടങ്ങളുടെ കെട്ടുകഥകൾ മാത്രം!
***രാമോജി സ്റ്റുഡിയോ***
ചലിക്കും ചിത്രങ്ങൾക്ക് പകിട്ടേകീടാൻ
ഒരു നാട്ടിൽ വിരിഞ്ഞു പല നാടുകളെല്ലോ.
സ്വപ്നങ്ങൾക്ക് വർണ്ണചിറകേകീടാൻ
ഒരു ദീർഘദർശ്ശി തൻ ഭാവനാവിലാസലീല!
