തിരിച്ചറിവ്...

              കാറിൽ നിന്നിറങ്ങി വീട്ടിൽ കയറാൻ ഒരുങ്ങുമ്പോഴാണ് മഴ പെയ്യാൻ തുടങ്ങിയത്.മഴ പെട്ടെന്ന് ശക്തി പ്രാപിക്കുകയും അതോടൊപ്പം തന്നെ തണുത്ത കാറ്റു വീശുകയും ചെയ്തു. ദേഹത്തേക്ക് തെറിച്ചു വീഴുന്ന തണുത്ത മഴത്തുള്ളികൾ കാര്യമാക്കാതെ ആ സുഖം ആസ്വദിച്ചു കൊണ്ട് ഞാൻ ആ മഴ നോക്കി നിന്നു. ഇടയ്ക്കു ആഞ്ഞു വീശിയ കാറ്റിൽ ശരീരമാകെ തണുത്തു വിറച്ചപ്പോൾ പണ്ടെങ്ങോ നഷ്ടപ്പെട്ട കളിപ്പാട്ടം വീണ്ടുകിട്ടിയ കൊച്ചു കുഞ്ഞിന്റെ സന്തോഷത്തിലായിരുന്നു ഞാൻ. കുറച്ചു നേരം കൂടി ആ മഴ ആസ്വദിച്ച് കൊണ്ട് അവിടെ നിന്നു, പിന്നീട് വീടിനകത്തേക്ക് തിരിച്ചു നടക്കുമ്പോൾ നമുക്ക് നഷ്ട്ടമായിക്കൊണ്ടിരിക്കുന്ന ഒന്നിനെ കൂടി ഞാൻ തിരിച്ചറിയുകയായിരുന്നു.