കോൺഗ്രെസ്സെന്നാൽ ഭാരതമണ്ണിൽ
കേവലമൊരു വെറും പാർട്ടിയല്ല
ജനകോടികൾ നമ്മെ ഒന്നായിക്കാണും
സംസ്‌കൃതിയാണല്ലോ
കടന്നു വന്നവർ കീഴടക്കി
ഭാരതമക്കളെ പലകാലം
മൂവർണ്ണക്കൊടി കൈയ്യിലേന്തി
പൊരുതി വീരർ നിർഭയരായി
ഗാന്ധി നയിച്ചൊരു പാതയിലൂടെ
അഹിംസയിലൂന്നും സമരത്താൽ
സ്വതന്ത്ര സുന്ദര ഇന്ത്യ പിറന്നു
വാനിലുയർന്നു അഭിമാനം
ജനാധിപത്യ പുലരി വിരിഞ്ഞു
അടിമച്ചങ്ങല പൊട്ടിച്ചു
ഒരേയൊരിന്ത്യ ഒരൊറ്റജനത
അതല്ലോ മാറാ നിലപാട്
ശാന്തിയിലൂന്നും നിലപാടുകളും
നെഹ്‌റു തെളിക്കും പാതകളും
ഇരുളിൽ മുങ്ങിയ ഇന്ത്യാരാജ്യം
പുതുപുലരിയിലേക്ക് കുതിച്ചല്ലോ
തകർന്നടിഞ്ഞൊരാ ഭാരതനാട്
പടിപടിയായി വളർന്നല്ലോ
മതേതരത്തിൻ മന്ത്രവുമായി
മൂവർണ്ണക്കൊടി പാറട്ടെ
ഫാസിസ പ്രീണന ഭരണത്താൽ
മതേതരത്വം തകരുമ്പോൾ
സമത്വസുന്ദര നാളേക്കായി
കോൺഗ്രസ് ഇനിയും വാഴട്ടെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ