വിലയില്ലെനിക്കെന്നറിയാം, എങ്കിലും
വിലയിടാൻ നിങ്ങൾ നിന്നീടൊല്ലേ.
കാശിനായി ആർത്തി പെരുത്തതില്ല,
പിച്ചക്കാശിനാൽ മാനം കളഞ്ഞിടൊല്ലേ.
നാലുപേർ കാൺകേ പ്രകടനമില്ല,
നാട്യരസപ്രാധാന്യങ്ങൾ തീരെയില്ല.
പാദസേവയിൽ വശഗതനല്ല,
പദസേവനമാണെന്നുമഭിമതം.
കാണും മർത്യവേദനകൾ ദുരിതങ്ങൾ,
കേഴും നാക്കുവരണ്ട പുഴകൾക്കായും.
കെട്ടുകാഴ്ചയിലല്ലാഭിനിവേശം, മനം-
കെടും കാഴ്ച്ചയിൽ വിങ്ങും ഹൃദയം.
നീറും മനസ്സിലെ കണ്ണീർ മഷിയാൽ,
ചീന്തിയ കടലാസ്സുകഷണങ്ങളിലക്ഷര-
ക്കൂട്ടങ്ങൾ വികൃതമായി കുറിച്ചിടും
വെറുമൊരു കവി, പാമരൻ ഞാൻ!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ