ഓണനിലാവ്

 

ആവണി പൂനിലാവേ, പൊന്നോണ പൂനിലാവേ,

മാവേലി തംബ്രാനെ വരവേൽക്കാൻ നേരമായി. 

തിരുവോണക്കാഴ്ചയ്ക്കായി ഉണ്ണികൾ കാത്തിരിപ്പൂ, 

പൂക്കളം അലങ്കരിക്കാൻ തുമ്പപ്പൂ ഒരുങ്ങിനിൽപ്പൂ.

മന്ദാരമണമായി ചിങ്ങത്തിൻ കുളിരോടെ,  

മന്ദസമീരൻ വീണ്ടും മലയാളം പുൽകിടുന്നു.

ഓണത്തിൻ ശ്രുതി മീട്ടി താളത്തിൽ തുള്ളീടാൻ,  

തുമ്പിയും കൂട്ടരും ഇമ്പമോടെ എത്തീടുന്നു. 

ഊഞ്ഞാലിലാടീടാൻ, ഈണത്തിൽ പാടീടാൻ,

ഉണ്ണികളെത്തുന്നു ഉത്സാഹഘോഷമായി.

മുറ്റത്ത് നിറയുന്നു ആയിരം വർണ്ണങ്ങൾ,

മനസ്സിലോ വിരിയുന്നു ആമോദ മഴവില്ല്!