സപ്തഭാഷകൾ കവിത പാടുന്ന സപ്തസംഗമ ഭൂമിക
നീല സാഗരം ഏറ്റു പാടുന്ന സ്നേഹഗീതത്തിൻ ഭൂമിക
ഇളകി ഒഴുകുന്ന പന്തീരാറുകൾ കുളിര് തീര്ക്കുന്ന ഭൂമിക
ചരിതം ഉറങ്ങുന്ന ശിലകള് തീര്ത്ത പല കോട്ട വാഴുന്ന ഭൂമിക
സഹ്യശൃംഗങ്ങൾ മുത്തുമാലയായി അതിര് കാക്കുന്ന ചാരുത
പ്രണയമായൊഴുകിയാഴിയിൽച്ചേരും പുഴകൾ തീർക്കുന്ന ചാരുത
കുഞ്ഞിളംകാറ്റിൽ നർത്തനം ചെയ്യും നെൽക്കതിരിന്റെ ചാരുത
ഹരിതകഞ്ചുകം തണൽ ഏകിടുന്ന പൂമരങ്ങൾ തീർക്കുന്ന ചാരുത
വിൺനാട്ടിൽ വാഴുമീശ്വരോരൊക്കെയും തെയ്യമാകുന്ന മണ്ണിത്
കാവും പള്ളിയും കൈകൾ കോർത്തിടും സോദരത്വത്തിൻ മണ്ണിത്
വാൾത്തലപ്പിന്റെ വീര്യമുറയുന്ന തുളുനാടൻ കളരിയുടെ മണ്ണിത്
കൈരളി തൻ മൗലിയിൽ പൊൻശോഭയേകുന്ന മണ്ണിത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ