പേജുകള്‍‌

അറബികളുടെ നാട്ടിൽ - അഞ്ചാം ഭാഗം


ദുബായിലെ കാഴ്ചകൾ കണ്ടു തീർന്നിട്ടില്ല പക്ഷേ, തൽക്കാലത്തേക്ക് ഈ യാത്ര അവസാനിപ്പിക്കാറായിരുന്നു. തിരിച്ചു പോകുന്നതിനു മുൻപ് എല്ലാവരും ചേർന്നുള്ള ഒത്തുകൂടൽ അതും പുതുമയാർന്ന രീതിയിൽ. കൂടാതെ, സ്നേഹത്തോടെ നാട്ടിൽ കാത്തിരിക്കുന്നവർക്ക് സമ്മാനിക്കാനായി ഞങ്ങളുടെ സ്നേഹം നിറച്ച കൊച്ചു കൊച്ചു സമ്മാനങ്ങൾ തേടിയുള്ള അന്വേഷണം...       

9 . എട്ടാം ദിനം: കടലിലെ കുളിയും സ്നേഹസംഗമവും...

നാളെ രാവിലെ എഴുന്നേറ്റു കടലിൽ കുളിക്കാൻ പോകാമെന്നു ഇന്നലെ തന്നെ എല്ലാവരും  വാക്കാൽ സമ്മതിച്ചിരുന്നുവൈകിയാണ് കിടന്നതെങ്കിലും കടലിൽ കുളിക്കാനുള്ള  ആവേശത്താൽ 5 :30 ക്കു എഴുന്നേറ്റുബാക്കിയുള്ളവരൊക്കെ എഴുന്നേറ്റു തയ്യാറായി വന്നത് അല്പം കൂടികഴിഞ്ഞാണ്.മണിയോടെ എല്ലാവരും കൂടി കടലിൽ കുളിക്കാനായി  വീട്ടിൽ നിന്ന് പുറപ്പെട്ടു. മച്ചുനിയന്മാരും ഏട്ടന്മാരുമൊക്കെ  സ്‌നാനകർമ്മത്തിൽ പങ്കുകൊള്ളാൻ എത്തിച്ചേർന്നു. ഷാർജയിൽ തന്നെയാണ്  ബീച്ച്കടൽ കയറി വന്ന സ്ഥല-മാണ്അതിനാൽ തന്നെ തിരകളോ വലിയ ആഴമോ ഒന്നുമില്ലസമയം 7 മണി 
കഴിഞ്ഞിരുന്നെങ്കിലും നല്ല തണുപ്പായിരുന്നു വെള്ളത്തിന്അതിനാൽ ഞാനുൾപ്പെടെ പലരും വെള്ളത്തിലിറങ്ങാൻ മടിച്ചപ്പോൾ അമ്മാവൻ ആവേശത്തോടെ കടലിൽ ചാടി നീന്താൻ  തുടങ്ങിഅതുകണ്ടപ്പോൾ ഓരോരുത്തരായി പതുക്കെ വെള്ളത്തിലിറങ്ങികുറച്ചു കഴിഞ്ഞു വെയിൽ വന്നപ്പോൾ തണുപ്പ് മാറുകയും കുളി നല്ലൊരു അനുഭവമായി മാറുകയും ചെയ്തുനമ്മുടെ നാട്ടിലെ കടലിൽ കാണുന്നതിനേക്കാൾ ഉപ്പ് കൂടുതലാണിവിടങ്ങളിൽഅതിനാൽ  തന്നെ അനായാസമായി എത്രനേരം വേണമെങ്കിലും താഴാതെ വെള്ളത്തിൽ മലർന്നു  കിടക്കാൻ കഴിയുംഞങ്ങളുടെ ആവേശം കണ്ടു കുട്ടികളും പേടി കൂടാതെ കടലിൽ ഇറങ്ങി കളിക്കുകയും കുളിക്കുകയും ചെയ്തു, എന്നാൽ സ്ത്രീകൾ വെള്ളത്തിലിറങ്ങാതെ കരയിൽ തന്നെ നിന്നതേയുള്ളൂ. അവർ കുട്ടികളോടൊപ്പം മണലിൽ വീട് കെട്ടി കളിച്ചു. അപകടകാരികളായ സ്രാവിനെ കാണാൻ സാധ്യതയുള്ളതിനാൽകടലിൽ ഒരു  പരിധിക്കപ്പുറം പോകാനുള്ള അനുവാദമില്ലഅനുവദനീയമായ ദൂരം വേലി കെട്ടി തിരിച്ച് വച്ചിട്ടുണ്ട് അധികാരികൾഅങ്ങിനെ കുളിയും കളിയുമായി ഒരു പ്രഭാതം മുഴുവൻ  ഞങ്ങൾ അവിടെ ചിലവഴിച്ചു. 

ഇന്ന് ഉച്ചക്ക് ശേഷം ബാർബിക്‌ (barbique) പാർട്ടി നടത്താൻ തീരുമാനിച്ചിരുന്നതിനാൽ അതിനു വേണ്ട ഒരുക്കങ്ങളിൽ സഹായിക്കാനായി, കുളി കഴിഞ്ഞയുടനെ ഞാൻ മണിയേട്ടന്റെ കൂടെ അവരുടെ വീട്ടിലേക്ക് പോയി.അവിടെ നിന്ന് വൈകുന്നേരത്തെ പരിപാടിക്ക് വേണ്ട  സാധനങ്ങൾ വാങ്ങാൻ ഷാർജ മാർക്കറ്റിൽ പോയിഹോ..അവിടുത്തെ മീൻഇറച്ചി മാർക്കറ്റ്  കണ്ട് എന്റെ കണ്ണ് തള്ളിപ്പോയിനമ്മുടെ വീടിനുപോലും ഇത്രയും വൃത്തിയുണ്ടാവില്ല (ഉണ്ടാ-വില്ല എന്നല്ലഇല്ല എന്നതാണ് സത്യം). വലിയൊരു ഹാളിനകത്തു ഒരു പാട് കടകൾഫുഡ് കോർട്ട് പോലെഓരോ വിഭാഗവും വേറെ വേറെയാണ് ഒരുക്കിയിരിക്കുന്നത്കോഴിയിറച്ചി  വാങ്ങിയതിനുശേഷം മീൻ വാങ്ങാനായി വേറൊരു ഭാഗത്തേക്ക് നീങ്ങിഎവിടെ നിന്ന് മീൻ വാങ്ങിയാലും കാശു കൊടുക്കേണ്ടത് ഒരേ സ്ഥലത്താണ്മീൻ മുറിക്കാനും വൃത്തിയാക്കാനുമായി മാത്രം വേറൊരു വലിയ മുറിഅതിനകത്തു വിശ്രമമില്ലാതെ ആൾക്കാർ ജോലി ചെയ്യുകയാണ്ജീവിതപ്രാരാബ്ധങ്ങൾ കാരണം നാട് വിട്ടു വന്നവരായിരിക്കും  മിക്കവാറും.അതിൽ പഠിപ്പുള്ളവനും ഇല്ലാത്തവനും ഉണ്ടാകുംവേറൊരു ജോലിയും കിട്ടാത്ത-പ്പോൾ ജീവിക്കാനും ജീവിപ്പിക്കാനുമായി ഇത്തരം ജോലികൾ ചെയ്യുന്നവരും അക്കൂട്ടത്തിലു-ണ്ടാകാം കഷ്ടപ്പാടുകൾ ഒക്കെ  സഹിച്ചാണ് ഇവർ നാട്ടിലേക്കു കാശയക്കുന്നതെന്നു  അവിടെയുള്ളവർ അറിയുന്നുണ്ടാവില്ലടോക്കൺ എടുത്തതിന് ശേഷം മീൻ മുറിക്കാനായി  ഏൽപ്പിച്ച് ഞങ്ങൾ  പഴം-പച്ചക്കറി വാങ്ങാനായി വേറൊരു ഭാഗത്തേക്ക് നീങ്ങി. നാട്ടിൽ കിട്ടുന്ന എല്ലാത്തരം പച്ചക്കറികളും പഴങ്ങളും അതിനേക്കാൾ വൃത്തിയിലും ഗുണമേന്മയിലും ഒരു പക്ഷെ ഇവിടെ കിട്ടും. എല്ലാം വാങ്ങിയതിനുശേഷം ഞങ്ങൾ  വീട്ടിലേക്കു മടങ്ങി
അല്പസമയത്തിനുശേഷം ബാക്കി കുറേ സാധനങ്ങൾ കൂടി വാങ്ങാനായി ലുലുമാളിലേക്ക്  പോയിവിശാലമായ ഷോറൂം ആണ് ലുലുഅവിടെ കിട്ടാത്ത സാധനങ്ങൾ ഉണ്ടോ എന്ന്  സംശയമാണ്.ഏതെടുക്കണം ഏതു വാങ്ങാതിരിക്കണം എന്ന് നമുക്ക് തന്നെ സംശയമാകും. ഒരു ട്രോളിയുമായി മൊത്തം ഒന്ന് കറങ്ങി ആവശ്യമായ സാധനങ്ങൾ വാങ്ങി.എല്ലാം കഴിഞ്ഞ് വീട്ടിൽ തിരിച്ചെത്തിയപ്പോഴേക്കും നേരം ഉച്ച കഴിഞ്ഞിരുന്നു.

മണി കഴിഞ്ഞതോടെ പല വാഹനങ്ങളിലായി നാഷണൽ പാർക്കിലേക്ക് പുറപ്പെട്ടുഷാർജ എയർപോർട്ടിനോട് ചേർന്നാണ്  സ്ഥലം പാർക്കിൽ നിന്നാൽ വിമാനങ്ങൾ വരുന്നതും പോകുന്നതുമൊക്കെ വളരെ അടുത്തു നിന്ന് ദർശിക്കാംഞങ്ങൾ എത്തുമ്പോഴേക്കും സാമാന്യം നല്ല ജനതിരക്കായിരുന്നുഇവിടെ ജീവിക്കുന്നവർ അവധി ദിവസങ്ങളിൽ ഭക്ഷണസാധനങ്ങളുമായി  പാർക്കിലോ ഇതുപോലുള്ള മറ്റു പാർക്കുകളിലോ ഒത്തു ചേരും പോലുംചിലർ ആഹാരം പാകം ചെയ്തു കൊണ്ട് വരും മറ്റു ചിലർ ഇവിടെ വന്നു പാകം ചെയ്തു കഴിക്കുംഏതായാലും സാധനങ്ങളൊക്കെ എടുത്തു ഞങ്ങൾ അകത്തു കയറുമ്പോഴേക്കും ഏട്ടൻ  നല്ലൊരു സ്ഥലം കണ്ടു വച്ചിരുന്നു.പായ വിരിച്ച്‌ എല്ലാവരും അവിടെയിരുന്നു, സാധനങ്ങൾ ഒരിടത്തു അടുക്കിവച്ചുബാക്കിയുള്ളവർ ഓരോരുത്തരായി വന്നുകൊണ്ടിരുന്നു.ഞാനും ഉണ്ണിയും അടുപ്പ് ഒരുക്കി തീ കത്തിക്കാൻ ശ്രമം ആരംഭിച്ചു. ബാർബിക്യു അടുപ്പും 
അത് കത്തിക്കാൻ ആവശ്യമായ കൽക്കരിയും തീ പിടിപ്പിക്കാനുള്ള മണ്ണെണ്ണയും ഞങ്ങൾ കൊണ്ട് വന്നിരുന്നുകുറച്ചു നേരത്തെ അശ്രാന്ത പരിശ്രമത്തിനു ശേഷം അടുപ്പിൽ തീ പിടിച്ചു. ആദ്യമേ തന്നെ ചോളം ചുട്ടെടുക്കാൻ തുടങ്ങി.കുറച്ചു കരിഞ്ഞു പോയെങ്കിലും ഞങ്ങളുടെ  ശ്രമം പരാജയപ്പെട്ടില്ല (വിടില്ല ഞങ്ങൾ..)ചുട്ടെടുത്ത ചോളം എല്ലാവർക്കുമായി വീതിച്ചു നൽകി, ഞങ്ങളും കഴിച്ചു. കുട്ടികൾ എല്ലാവരും കളിക്കാൻ തുടങ്ങിയിരുന്നുസ്ത്രീകൾ വട്ടം കൂടി വർത്തമാനം പറയുകയും അതിനിടയിൽ കുട്ടികളെ ശ്രദ്ധിക്കുകയും ചെയ്തുകൊണ്ടിരുന്നു. അതിനിടയിൽ ക്യാമറക്കണ്ണുകൾ പലഭാഗത്തു നിന്നായി പലവട്ടം മിഴി തുറന്നുതമാശ പറയുകകൌണ്ടർ ഇടുക അതിനു മറു കൌണ്ടർ ഇടുക എന്നിവ വളരെ  നന്നായി ഇതിന്റെയിടയിൽ നടക്കുന്നുണ്ടായിരുന്നു.ചോളം ചുട്ടെടുക്കൽ  വിജയകരമായതി-നുശേഷം കോഴിയും മീനും ചുട്ടെടുക്കുന്ന ജോലിയിലേക്ക് പ്രവേശിച്ചു. അതിനുവേണ്ട മസാല (മുളകുപൊടിയും മഞ്ഞൾപ്പൊടിയും മല്ലിപ്പൊടിയും എല്ലാം ചേരുംപടി ചേർത്ത മസാല) വീട്ടിൽ നിന്ന് ഉണ്ടാക്കി കൊണ്ടുവന്നിരുന്നു. ചുട്ടെടുത്ത വിഭവങ്ങൾ  കുബ്ബൂസ് കൂട്ടി കഴിച്ചു (ദുബായ് പോകാൻ തീരുമാനിച്ചപ്പോഴാ ഞാൻ ഉറപ്പിച്ചിരുന്നു ഒരിക്കലെങ്കിലും കുബ്ബൂസ് കഴിക്കണമെന്ന്, അതേതായാലും സാധിച്ചു)അതിന്റെ കൂടെ ലുലുവിൽ നിന്ന് വാങ്ങിയ ലഘുഭക്ഷണങ്ങളും  കഴിച്ചു


എല്ലാം തിന്നു കഴിഞ്ഞ് ഏമ്പക്കവും വിട്ടു ഇരിക്കുമ്പോഴാണ് കുട്ടികൾ ഓടിക്കളിക്കുന്നത്  ശ്രദ്ധിച്ചത്ഒന്ന് ഓടി നോക്കിയാലോ എന്ന് എല്ലാവർക്കും തോന്നുകയും ആവേശത്തോടെ  തൊട്ടു മുന്നിലുണ്ടായിരുന്ന കുന്നിലേക്കു ഓടിക്കയറുകയും ചെയ്തു.മൂന്നാലുവട്ടം ഓടിയപ്പോ-ഴേക്കും എല്ലാവരും കിതയ്ക്കാൻ തുടങ്ങി (പരിപ്പിളകി എന്നതാണ് ശരിയായ പ്രയോഗം)എങ്കിലും ബാല്യകാലത്തിലേക്ക് ഒരു നിമിഷം മടങ്ങിപ്പോയതിന്റെ  ആഹ്ളാദം എല്ലാവരുടെയും മുഖത്തും തെളിഞ്ഞു കാണാമായിരുന്നു (കൈയ്യെത്തും ദൂരെ ഒരു കുട്ടിക്കാലം, മഴവെള്ളം പോലെ ഒരു കുട്ടിക്കാലം..)പണ്ടെങ്ങോ നഷ്ടപ്പെട്ടുപോയ കളിപ്പാട്ടം തിരിച്ചുകിട്ടിയ സന്തോഷമായിരുന്നു ഞങ്ങൾ മുതിർന്നവർക്ക്ഊർജ്ജം തീർന്ന-തോടെ ഞങ്ങൾ ഓട്ടം മതിയാക്കി അടുത്ത പരിപാടിയിലേക്ക് കടന്നുരണ്ടു ഗ്രൂപ്പായി  തിരിഞ്ഞു ഡബ്സ്മാഷ് (സിനിമാപ്പേര് അഭിനയിച്ചുകാണിക്കുന്ന കളി) കളിയ്ക്കാൻ തുടങ്ങി.വാശിയേറിയ മത്സരമായിരുന്നുആംഗ്യഭാഷയും മുഖാഭിനയവും ശരീരഭാഗങ്ങൾ ഉപയോഗി-ച്ചുള്ള കോപ്രായങ്ങളും ഒക്കെയുണ്ടായിരുന്നു. പരസ്പരം കളിയാക്കിയും കൂക്കിവിളിച്ചും അത് ഏറെ നേരം നീണ്ടു പോയി.മറ്റുള്ളവർ ശ്രദ്ധിക്കുമെന്നോ അവർ എന്തെങ്കിലും കരുതുമെന്നോ  ഞങ്ങളാരും ആലോചിച്ചതേയില്ലഅത് കഴിഞ്ഞപ്പോൾ വേറെ തിരക്കുകൾ കാരണം ചിലർ  പിരിഞ്ഞുപോയിഅത് കഴിഞ്ഞു അന്താക്ഷരി കളിച്ചു.കുട്ടികൾക്ക് നിർബന്ധമായിരുന്നു  അന്താക്ഷരി കളിക്കണം എന്നത്എല്ലാവരും പാട്ടൊക്കെ പാടി (ഞാനൊരു പാട്ടു പാടാം.....).  എല്ലാം കഴിഞ്ഞപ്പോഴേക്കും ഞങ്ങൾ ശരിക്കും തളർന്നുപോയി

സമയം 9 കഴിഞ്ഞിരുന്നുകൊണ്ടുവന്നതിൽ ബാക്കിയുള്ള സാധനങ്ങൾ എല്ലാം പെറുക്കിയെടുത്തു ഞങ്ങൾ പാർക്കിനു വെളിയിലിറങ്ങി,ശേഷം അവരവരുടെ വാഹനങ്ങളിൽ വീടുകളിലേക്ക്  തിരിച്ചുപോയിവീട്ടിൽ തിരിച്ചെത്തി കുളിച്ചു കഴിഞ്ഞപ്പോൾ ഉഷാറായി. 11 മണിയോടെ ചീട്ടുകളിക്കാനായി ഇരുന്നു. :30 വരെ കളി നീണ്ടു ഇന്നും കാശു പോയിതൊട്ടടുത്ത് താമസിക്കുന്നവരൊക്കെ പോയതിനുശേഷം മാത്രമാണ് കിടക്കയെ  അഭയം പ്രാപിച്ചത്എല്ലാവരുടെയും ഒപ്പം സന്തോഷത്തോടെ ഒരു നല്ല പകൽ സമ്മാനിച്ചതിന് ഈശ്വരനോട് നന്ദി പറഞ്ഞ് ഞാൻ നിദ്രയെ പുൽകി

10 . ഒൻപതാം ദിനം: സ്നേഹസമ്മാനത്തിനായ് ....

കുറച്ചുദിവസങ്ങൾക്ക് ശേഷം കൃത്യമായി പറഞ്ഞാൽ 8 ദിവസങ്ങൾക്കു ശേഷം  ഇന്ന് ഇത്തിരി നേരം കൂടുതൽ ഉറങ്ങിമണിയോടെയാണ് എഴുന്നേറ്റത്ഇന്നത്തെ ദിവസം  ഷോപ്പിംഗിന്  മാത്രമായി നേരത്തെ മാറ്റിവച്ചതാണ്9:30 ക്കു പോകാനാണ് തീരുമാനിച്ചിരുന്നത്,  പക്ഷെ ഇറങ്ങുമ്പോൾ 10 :30 ആയി.മൂത്ത ഏട്ടൻ കാറുമായി വന്ന് ഞങ്ങളെയും കൂട്ടി നേരെ  ലുലുമാളിലേക്കാണ് പോയത്.ചോക്ലേറ്റ്സ് , ഈത്തപ്പഴംഉണങ്ങിയ പഴങ്ങൾ (dry fruits) അങ്ങിനെതിന്നാനുള്ള സാധനങ്ങൾ മാത്രമാണ് ഇവിടെ നിന്നും വാങ്ങിയത്ഏകദേശം ഒരു  മണിക്കൂറോളം സമയമെടുത്തു ഇവിടുത്തെ ഷോപ്പിംഗ് തീരാനായികാശു കൊടുക്കാൻ  ഏട്ടത്തിയമ്മ സമ്മതിച്ചില്ല (ഹൊഎന്തൊരാശ്വാസം..!!). അത് കഴിഞ്ഞു പോയത് ഡേ ടു ഡേ  എന്ന കടയിലേക്കാണ്ഇവിടെ ഓരോ സാധനങ്ങൾക്കും 1 മുതൽ 10 ദിർഹം വരെയാണ് വിലഇവിടെ കിട്ടാത്ത സാധനങ്ങൾ ഉണ്ടാവില്ലകൂടുതലും ചൈനയിൽ നിന്നുള്ള സാധനങ്ങളാണ്,കൂടാതെ തായ്വാൻതായ്ലൻഡ്മലേഷ്യ തുടങ്ങിയ ഏഷ്യൻ രാജ്യങ്ങളിൽ നിന്നുമുള്ള സാധനങ്ങളുമുണ്ട്.  നാട്ടിലെ സുഹൃത്തുക്കൾക്കും അവരുടെ കുട്ടികൾക്കും കൊടുക്കാനുള്ള സാധനങ്ങൾ ഇവിടെ നിന്നും വാങ്ങിഒക്കെയും കാണാൻ നല്ല ഭംഗിയുള്ള സാധനങ്ങളാണ്അതു കാരണം കണ്ണിൽ കണ്ടതൊക്കെ വാങ്ങിഅങ്ങിനെ വാങ്ങിക്കൂട്ടി നേരം പോയതറിഞ്ഞില്ലഉച്ചയ്ക്ക് ദുബായിൽ എവിടെയെങ്കിലും വച്ച് കാണാമെന്നും ഒരുമിച്ചു ആഹാരം കഴിക്കാം എന്നും ബിനിലിനോട് വാക്ക് പറഞ്ഞിരുന്നുപക്ഷെ ഷോപ്പിംഗ് നീണ്ടുപോയതും ഏട്ടൻ അപ്ര-തീക്ഷിതമായി ഓഫീസിൽ ജോലിത്തിരക്കിൽ പെട്ടതും കാരണം  പരിപാടി ഉപേക്ഷിച്ചു,  പകരം  ഷോപ്പിംഗിനു ശേഷം ബിരിയാണി വാങ്ങി വീട്ടിൽ കൊണ്ടുപോയി കഴിച്ചുഷോപ്പിംഗിനു പോകുമ്പോൾ കുട്ടികളെ കൂടെ കൂട്ടുന്നത് ബുദ്ധിയല്ല എന്ന് തോന്നിയതിനാൽ അവരെ മണിയേട്ടന്റെ വീട്ടിലാക്കിയിട്ടാണ് ഞങ്ങൾ  മഹത്തായ കലാപരിപാടിക്ക് പോയത് എന്ന് കൂടി  സന്ദർഭത്തിൽ പറഞ്ഞു കൊള്ളട്ടെ

വൈകുന്നേരം വരെ പ്രത്യേകിച്ച് ഒന്നുംചെയ്യാനില്ലായിരുന്നു, ടീവി കണ്ടും വാചകമടിച്ചും  സമയം തള്ളി നീക്കിവൈകുന്നേരം മച്ചുനിയന്മാരായ അനുവും ഉണ്ണിയും വന്നു.നാളെ  ഞങ്ങൾ ബാംഗ്ലൂരിലേക്ക് മടങ്ങുകയാണ് എന്നതിനാൽ യാത്രമംഗളങ്ങൾ നേരാനായി വന്നതാണവർ.അവർ പോയതിനുശേഷം,സന്ധ്യയോടെ എല്ലാവരും കൂടി വീണ്ടും പുറത്തിറങ്ങി.   കുറച്ചു ഷോപ്പിംഗ് കൂടി ബാക്കിയുണ്ട്ഞങ്ങൾ മാളിൽ എത്തി കുറച്ചു കഴിഞ്ഞപ്പോഴേക്കും മൂത്ത ഏട്ടനും അമ്മാവനും വന്നുഎല്ലാവരും മോൾക്ക് കുപ്പായം വാങ്ങിതന്നു. 8 :30 യോടെ വീട്ടിൽ തിരിച്ചെത്തിരാത്രി ഭക്ഷണം മണിയേട്ടന്റെ വീട്ടിൽ നിന്നാണ്നേരം  കളയാതെ അങ്ങോട്ടേക്ക് പോയിബന്ധുക്കളായ ഒരുപാടുപേർ അവിടെ എത്തിച്ചേർന്നിട്ടുണ്ടാ-യിരുന്നു.അപ്പവും പത്തിരിയും പായസവും അടക്കം വിഭവസമൃദ്ധമായ ഭക്ഷണംരാത്രി തിരിച്ചു വീട്ടിൽ എത്തി എല്ലാം പെട്ടിയിൽ എടുത്തുവെക്കാൻ തുടങ്ങിഷോപ്പിംഗ് കഴിഞ്ഞ-തോടെ ഞങ്ങളുടെ കൈയ്യിലുള്ള പെട്ടി മതിയാകില്ല എന്നുറപ്പായതിനാൽ ഏട്ടന്റെ ഒരു പെട്ടി കൂടി എടുക്കേണ്ടി വന്നുഎല്ലാം കഴിഞ്ഞ് കിടക്കുമ്പോൾ 1 മണിയായിനേരെത്തെ എഴുന്നേൽക്കേണ്ടതിനാൽ ഉറങ്ങാൻ അധികം സമയമുണ്ടായിരുന്നില്ലദുബായിലെ ആദ്യത്തെ രാത്രി  പോലെ തന്നെ അവസാനത്തെ രാത്രിയും ഒരുപാടു നേരം ഉറങ്ങാൻ കഴിഞ്ഞില്ല

11 .സ്വദേശത്തേക്ക് .....

അങ്ങിനെ സംഭവബഹുലമായ ആദ്യത്തെ ദുബായ് യാത്ര സന്തോഷകരമായ ഒരു  അനുഭവമാക്കി തീർത്ത് ഞങ്ങൾ (ഞാനും സൗമ്യയും മോളും)  ഇന്ന് നാട്ടിലേക്കു  തിരിക്കുകയാണ്ഒരു പാട് വർഷത്തെ ആഗ്രഹമായിരുന്നു ദുബായ് സന്ദർശിക്കുക എന്നത് ആഗ്രഹം നല്ല രീതിയിൽ തന്നെ സാധിച്ചത്തിന്റെ സന്തോഷത്തോടെയാണ് തന്നെയാണ്  മടക്കംഅതിലുപരി എത്രയോ വർഷങ്ങൾക്ക് ശേഷമാണു ഞങ്ങൾ സഹോദരങ്ങൾ  മൂവരും ഒരുമിച്ചു കുറച്ചു ദിവസങ്ങൾ ചെലവിടുന്നത് അനുഭവവും മനസ്സിനെ ആഹ്ളാദഭ-രിതമാക്കിയിരുന്നു. മണിയേട്ടൻ കൊണ്ടുവന്ന ദോശ കഴിച്ചുഅമ്മാവനും എത്തിയിരുന്നു.  ഏട്ടന്മാർക്ക് തിരക്കായതിനാൽ മച്ചു രാഹുൽ ആണ് വിമാനത്താവളത്തിലേക്ക് അകമ്പടി സേവിച്ചത്. :30 ക്കു എല്ലാവരോടും യാത്ര പറഞ്ഞിറങ്ങിമൂത്ത ഏട്ടൻ വഴിക്കു കാത്തു  നിൽക്കുന്നുണ്ടായിരുന്നുരണ്ടു കൊച്ചുവാർത്തമാനത്തിന് ശേഷം നേരെ എയർപോർട്ടിലേക്ക്റോഡിൽ വാഹനങ്ങൾ തീരെ കുറവായിരുന്നതിനാൽ ഒരു മണിക്കൂറിനകം എയർപോർട്ടിൽ എത്തി, പ്രതീക്ഷിച്ചതിലും നേരത്തെ. സാവധാനം അവിടുത്തെ നടപടി ക്രമങ്ങളൊക്കെ പൂർത്തിയാക്കി 9 :30 യോടെ വിമാനം പ്രതീക്ഷിച്ചിരിക്കാൻ തുടങ്ങി. ഇങ്ങോട്ടു വരുമ്പോഴുണ്ടായിരുന്ന ഉന്മേഷം ഏതായാലും തിരികെപോകുമ്പോൾ തോന്നിയില്ല. 11 മണിക്കാണ് വിമാനം പുറപ്പെടേണ്ടിയിരുന്നത്അര മണിക്കൂറോളം വൈകിയാണ് പുറപ്പെട്ടത്  

എമിറേറ്റ്സുമായി താരതമ്യം ചെയ്യുമ്പോൾ ചെറിയ വിമാനമായ ഇൻഡിഗോയിലാണ് മടക്കം. ടീവി ഇല്ലാത്തതു മോൾക്ക് വിഷമമായിഞങ്ങൾക്കുംമൂന്നര മണിക്കൂർ എന്ത്  ചെയ്യുമെന്നാലോചിച്ചുഇതിൽ ഭക്ഷണവും സൗജന്യമല്ലദുബായിലെ എടിഎമ്മിൽനിന്ന് എടുത്ത കാശു ബാക്കിയുണ്ടായിരുന്നതിനാൽ അത് കൊടുത്തു ഭക്ഷണം വാങ്ങിദുബായിലു-ണ്ടായിരുന്ന കഴിഞ്ഞ ദിവസങ്ങളത്രയും കൃത്യമായി ഉറങ്ങാത്തത്തിന്റെ കുറവ്  വിമാനത്തിൽ വച്ച് തീർത്തുമൂന്നുമണിക്കൂറോളം സുഖനിദ്ര. അതിനാൽ തന്നെ യാത്രയിൽ  മുഷിച്ചിൽ അനുഭവപ്പെട്ടില്ല.നാലരയോടെ ബാംഗളൂരിൽ വിമാനമിറങ്ങിഔപചാരികമായ  നടപടിക്രമങ്ങൾ പെട്ടെന്ന് തന്നെ തീർന്നു. 6 മണിയോടെ വീട്ടിലെത്തിതണുത്ത വെള്ളത്തിൽഒന്ന് കുളിച്ചിറങ്ങിയപ്പോൾ മനസ്സിനും ശരീരത്തിനും ഊർജ്ജസ്വലത തിരിച്ചു  കിട്ടി. രാത്രിയിലേക്കുള്ള ഭക്ഷണം പുറത്തു നിന്ന് വാങ്ങിനാട്ടിലേക്കും ദുബായിലേക്കും  ഫോൺ ചെയ്ത് ബാംഗ്ലൂരിൽ  എത്തിയ കാര്യം അറിയിച്ചുനേരത്തെ ഭക്ഷണം കഴിച്ചു

അങ്ങിനെകുറേക്കാലത്തെ ആഗ്രഹം പൂവണിഞ്ഞ സന്തോഷത്തിൽ ഉറങ്ങാൻ കിടന്നു. എങ്കിലും 10  ദിവസങ്ങൾ കണ്ണടച്ച് തുറക്കും മുൻപേ കഴിഞ്ഞുപോയല്ലോ എന്നൊരു കുഞ്ഞുസങ്കടവും  മനസ്സിലുണ്ടായിരുന്നു. ബന്ധുക്കൾ മിക്കവരും അവരവരുടെ വീടുകളിലേക്ക് അഥിതികളായി ക്ഷണിച്ചിരുന്നു, പക്ഷെ സമയക്കുറവു കാരണം ചിലരുടെയെങ്കിലും ക്ഷണം സ്നേഹപൂർവ്വം നിരസിക്കേണ്ടിയും വന്നിരുന്നു. അതിൽ അവർക്കൊക്കെ പരിഭവം തോന്നിയിരിക്കാം. അടുത്ത വരവിലാകാം എന്ന് ആശ്വസിപ്പിക്കാനല്ലാതെ വേറെ ഒന്നും ചെയ്യാൻ കഴിഞ്ഞില്ല, കഴിയുമായിരുന്നില്ല. ഇങ്ങിനെയൊക്കെ ആണെങ്കിലും ദുബായിയിൽ നിന്ന് ലഭിച്ച ഊഷ്മളമായ സ്വീകരണങ്ങളും സ്നേഹവും എന്നും മനസ്സിൽ തങ്ങി നില്ക്കാൻ പാകത്തിലുള്ളതായിരുന്നുഎത്രയൊക്കെ  തിരക്കുണ്ടായിരുന്നെങ്കിലും ഞങ്ങളെ അതിഥികളായി തന്നെ കരുതി പ്രത്യേക പരിചരണം  എല്ലാവരും കാട്ടിയിരുന്നുലഭിച്ച സ്നേഹത്തിനു മനസ്സ്  കൊണ്ട് നന്ദി പറഞ്ഞു സുന്ദര  നിമിഷങ്ങളെ അയവിറക്കിക്കൊണ്ടിരിക്കവേ എപ്പോഴോ ഗാഢനിദ്രയിലേക്ക് വഴുതി വീണു





                                                                                                                          ശുഭം..... 

1 അഭിപ്രായം:

  1. ഈ ഭാഗത്തിന് 'എന്റെ മോഹങ്ങൾ പൂവണിഞ്ഞു' എന്ന് പേരിടാമായിരുന്നു ;-)

    കുറച്ചു സമയമെടുത്തെങ്കിലും അങ്ങനെ ദുഫായ് യാത്രാവിവരണം മുഴുവനായും വായിച്ചുതീർത്തു. പറയാതെ വയ്യ - ഈ പരിശ്രമത്തിന് ഒരു ബിഗ് സല്യൂട്ട്! ഇനിയും ഒരുപാട് യാത്രകൾ ചെയ്യാൻ ഭാഗ്യമുണ്ടാവട്ടെ എന്നാശംസിക്കുന്നു

    മറുപടിഇല്ലാതാക്കൂ